無綫小花黃翠如日前與男友蕭正楠宣傳新劇時戀情被擺上枱，她昨日到電台谷戲時大方表示冇所謂，並承認可寓工作於拍拖：「宣傳會成日見囉！」問到如拍續集會否要求演情侶？她即落閘說：「觀眾都未必有興趣睇！」
黃翠如甜笑指不介意與蕭正楠寓工作於拍拖。
提到同樣拍旅遊節目的主持杜如風被喪鬧，不及她有觀眾緣，翠如即力撐對方：「唔同觀眾層啫！鍾意睇佢嘅人又未必鍾意我。」並讚對方EQ高，希望有機會合作：「我哋風格咁唔同，撞埋一齊應該幾得意。」
