被《好報》拍得在夜場咀女的鄭嘉穎，昨日出席新劇開鏡拜神時四度叫大家給予空間發展：「大家唔畀空間，我好難做嘢。」又自認唔細係時候搵個伴。

嘉穎回應被《好報》拍得咀巨咪女（小圖），四度求外界給予發展空間。

謝安琪與嘉穎在劇中將有咀戲，笑言不用向老公張繼聰備案。

陳凱琳與黃又南戲中將有感情線。

無綫當家小生鄭嘉穎、謝安琪（Kay）、陳凱琳與黃又南等昨日為無綫新劇《殭》開鏡拜神，首次與Kay合作便有咀戲的嘉穎，最近被《好報》拍得在夜店與巨咪女親熱，他受訪時希望外界給予空間：「人哋圈外人，已經帶咗好多麻煩畀人，圈外人唔想咁高調，畀啲空間我啦！一日未公布大家都咪亂猜，唔畀空間我好難發展！」

翻撻無望：冇咁講過

提到外界指咀女猴擒？嘉穎即大反應說：「唔好用『猴擒』字眼，小弟都單身咗好耐，好想有個伴。（對方詐型？）唔想講太多，唔好意思係影響咗人哋嘅生活。（影響發展？）未公布唔好亂猜，小弟唔細有分數。（公布會唔會已經結咗婚？）最好係大家估我唔到，大家唔畀啲空間，唔係我好難做嘢。（減少夜蒲？）我一向都好少蒲，嗰晚係新年Party成班朋友一齊過。」

談到緋聞舊愛佘詩曼送祝福，是否代表翻撻無望，嘉穎說：「好朋友祝福對方係正常，我都祝福佢。我同阿佘都冇咁講過呢啲。（家燕姐話你哋眼神有交流？）家燕姐都係出於關心，多謝大家關心我嘅感情生活，畀多啲空間我。」

談及新劇，飾演現代殭屍的嘉穎滿有期待，並不擔心與亞視的《我和殭屍有個約會》作比較，因故事不同，劇中打到飛起的他可擔心傷患？他說：「報道誇大啫！依家只係膝頭韌帶拉傷，拍動作戲會紮住上陣。（同Kay有咀戲？）好輕微，有咬、有咀啦！」

謝安琪自認咀功叻

至於Kay被問到嘉穎咀女叻，可要向老公張繼聰備案，她笑說：「我都叻，唔使備案！要備案佢仲唔着數。」她又取笑老公已經入行30年，向他請教演戲心得及在家中與他對戲。首次拍劇的黃又南昨日現身時滿面「爆瘡」，他說：「之前皮膚敏感，已經好番好多。」此外，嘉穎與Kay等與大隊將於四月中出發到荷蘭拍攝，當中會拍攝一些浪漫及打鬥場面。