港姐蔡思貝、陳庭欣、莊思明與周志文昨日為《賽馬會全城躍動活力跑》發布會擔任嘉賓，向來是長跑好手的蔡思貝身體不適，但提到跑步立即抖擻精神，又舉手自薦參加賽事，她興奮地說：「之前試跑過最長21K嘅『半馬』，但今年報唔到，滿晒額！（邀請男伴陪跑？）以前會一大班人跟師傅練跑，依家難就時間，會自己練。」她又自爆間中會找緋聞對象周志文打籃球，坦言無懼緋聞：「有邊個未傳過？（會避忌唔約對方？）唔會，都係朋友。」

陳庭欣（左）與蔡思貝以Sporty造型亮相。

蔡思貝、陳庭欣、莊思明與周志文等遵照教練指引做熱身。

至於莊思明（Lisa）透露農曆新年會返馬來西亞過年兼探親，問到緋聞男友陳司翰可會相伴？她曖昧地說：「冇問。（見過家長？）冇，大時大節會碰面。（目前關係點？）唔講，意會到咩就咩，講多錯多。」問到會如何慶祝情人節，她說：「準備生日囉！我2月15日生日。（想要咩禮物？）想開心同多啲唔同嘅工作！」