張學友昨日現身電台宣傳新碟，對於日前承認與陳淑芬意見不合，故今年不會在紅館開騷，無疑賺少幾千萬，他笑說：「冇收入，今年蝕o架啦！」今年是學友入行30周年，但沒有舉行相關慶祝活動，他說：「31年唔可以咩？咪仲勁，阿倫（譚詠麟）已經搞咗40年頂住晒，自己喺度嗌30年好肉酸。」對於黃秋生早前批評樂壇新人唱歌「唔掂」，學友笑說：「佢都係樂壇新人，新人彈新人咁奇怪。」他反而大讚馮允謙唱R&B不錯，許廷鏗唱得也「實淨」。

學友現身電台宣傳新碟。

學友與台灣節目主持張小燕大談做外父的心情。

此外，學友日前亮相張小燕主持的台灣節目，談到兩個寶貝女將出嫁，做爸爸該如何調節心情？他笑說：「當爸爸的要把女兒的手交到女婿手上，眼淚是要忍住，拳頭也要忍住。」讓小燕姐笑翻。