兩大影帝周潤發和張家輝首度合作拍電影，與影后劉嘉玲齊齊在王晶的賀歲片中大鬥演技。發哥透露電影加入大量動作、爆破和槍戰場面，大大提高可觀性，又指與演員合作愉快，拍完仍十分掛念他們，希望再有機會合作。

發哥十分掛念家輝等拍檔，希望有機會再合作。

戲中加入不少爆炸場面，十分驚險。

張家輝笑言新戲不會令觀眾覺得蝕底。

戲中的打鬥戲大大提升電影的可觀性。

發哥（右起）與張家輝及余文樂等大鬥演技。

國際巨星周潤發、影帝張家輝和影后劉嘉玲，於王晶執導的新戲《賭城風雲Ⅱ》中大鬥演技。電影除在香港取景外，更專程到澳門和泰國取景，製作認真。此外，電影加入不少爆破、上天下海和槍戰的場面，連發哥亦大讚極具可觀性。

電影公司更找來著名服裝指導張叔平主理周潤發及劉嘉玲的靚衫，奚仲文則負責張家輝及余文樂的服裝，發哥說：「今次同第一集相比，規模大咗好多，唔單止前往泰國拍攝部分場景，戲中有影帝級、影后級助陣，又上天下海，加上布景設計相當華麗，又會有大型爆炸場面，節奏變得明快，令成個故事更熱鬧。」而張家輝亦笑說：「我覺得大家睇呢部戲應該唔會蝕底，希望大家都睇得過癮！」

討論劇情做到最好

兩位影帝周潤發和張家輝再度交鋒，齊齊表示合作愉快，發哥說：「今次比上集演得更放、更好，可以話係任我發揮。拍戲時感覺唔似拍戲，好似係生活一部分咁。完成兩個幾月拍攝後，有時都好掛住佢哋，好想佢哋再寫一個劇本畀大家再走埋一齊！」而張家輝則說：「當年同李修賢去電影《喋血雙雄》現場探班，曾經遇過發哥，當時望住發哥，我兩眼發光，真係冇諗過今次可以同發哥以拍檔身份合作，今次真係好榮幸同發哥有唔少同場演出嘅機會。」他又表示演出時經常與發哥討論，希望每一場戲大家都可以發揮到水準。