在電影版《衝上雲霄》演空姐的佘詩曼（阿佘）昨日出席百萬行活動，對於前緋聞男友鄭嘉穎在夜店咀「巨咪女」，阿佘大方送祝福：「我都希望佢開心」。

阿佘向嘉穎送祝福，真係大方。

嘉穎被拍到在夜店「牆壁咚」咀「巨咪女」。

鄭嘉穎

家燕姐指若嘉穎遇到合適的女仔會恭喜他。

阿佘與古仔在《衝》片中有不少親熱場面。

佘詩曼在電影版《衝上雲霄》中飾演空姐，更與型爆機師古天樂（古仔）談情親熱，雖然二人首度合作，但演出充滿默契，面對攬腰及鼻貼鼻等情節應付自如，阿佘更大讚古仔是她從未遇過的靚仔機師：「入行之前曾想過當空姐，現在終於有機會！」

追求行動唔多覺

而阿佘與薛家燕等昨日出席百萬行活動，受訪時提到前緋聞男友鄭嘉穎近日被《好報》拍到在夜店咀「巨咪女」，問她是否試過被嘉穎「牆壁咚」，她說：「冇見過，冇遇過。」她又大方向嘉穎送祝福：「我都希望佢開心。」早前傳二人翻撻，嘉穎現時另覓新歡，問阿佘是否失望？她說：「一直都係你哋講咋喎！（有咩行動追番你？）冇喎！全部你哋自己講。（覺得可惜？）佢開心就好啦！因為我冇睇過（嘉穎片段），咁講又好唔公平。」

薛家燕做錯紅娘

薛家燕則自嘲做錯紅娘，誤以為阿佘與嘉穎有望復合，她笑說：「之前阿佘仲話我過佢一戙！」對於嘉穎在夜店咀巨咪女，家燕姐說：「如果嘉穎係遇到啱嘅女仔，我都會恭喜佢！（個女仔係巨咪女，拍得住你喎！）拍得住我咩？我諗佢唔係揀呢類型嘅，佢又叻仔又靚仔，最緊要投緣！」而同場的黎耀祥亦力撐寡仔嘉穎出席社交場合識女仔很簡單和普通，籲大家切勿大驚小怪。