莊思敏昨日隨無綫大隊出席百萬行活動，對於前藝人李明憲捲入王征的桃色風波，她表示自從經理人公司結業後，大家已解約收場，近日看新聞時得知對方的往事感到震驚，她說：「佢之前冇提過，我有問過佢當日為咩離開亞視，但佢冇直接回答，都幾隱晦。唯一印象深係簽佢當時，佢好刻意問公司使唔使去應酬，佢有問大老闆係咩人，我叫佢放心，自己都唔鍾意應酬，我有問佢做乜咁問，佢又冇答我。依家睇番原來佢有過不愉快經驗，咁就明白點解咁介意應酬！」她表示李明憲現時是自由身，仍有接工作及已有女友，至於對方是否需要接受心理輔導？她說：「當時應該都幾大陰影，見過佢幾怕人多地方，出活動都問得好清楚係咩活動、要做咩。可能佢私底下有啲擔心先會問得咁清楚！」

對於李明憲捲入桃色風波，莊思敏終明白對方為何怕應酬。