袁潔儀讚亞視人不死身
對於亞視「斷水斷糧」一事,亞視執行董事葉家寶承認事件影響公司兩、三日,他說:「係運水間公司未送到水,聽講星期二會冇問題!飯堂星期一會正常服務,因早前流失咗大廚。」同場的亞視藝人蔡國威說:「咁陰功?唔係呀?不過我冇返公司唔知,乜去到咁嚴峻?其實係咪都係用錢解決問題咋?係就到就OK啦!」
袁潔儀笑指亞視員工適應力強,即使在荒島求生亦能堅持數月。
蔡國威對亞視「斷水斷糧」相當驚訝。
袁潔儀則指不清楚事件,但早於去年九月已聽聞公司未有紙巾供應,同事要自備紙巾:「我覺得亞視員工適應能力非常之強!即使趕佢落荒島都可以維持幾個月唔死得。」對於有指亞視只剩下兩個清潔工上班,她說:「亞視其實不嬲都唔多人,但衞生情況都OK嘅,冇咩特別,其實好多人都習慣啦!」她大讚同事勤力,部分更找到兼職維生。