育有兩子、現年17歲的吳澋滔（Ian）及15歲吳景燿（Brian）的司馬燕，坦言自患癌後兒子轉變甚大，不但放學後趕回家，更經常攬錫她講「I Love You」。她指以前出街兒子總會走在前面：「但依家一個會翹實我，一個會幫我拎手袋，唔畀我拎重嘢。」大仔試過擔心她而喊不停，她說：「切胃手術本來做7個鐘，最後做咗12個鐘，Ian驚到喊唔停。」又指細仔雖然向來不懂表達，但在她住院期間，親手寫「I Love You」字條給她。去年母親節，不諳中文的老公及兒子更用拼音合唱國語歌作禮物，令她甜在心頭！

吳澋滔（左）與弟弟吳景燿令母親司馬燕倍感自豪。

篤信風水的司馬燕，除了於寓所放置水晶外，亦會找堪輿學家指點迷津。

視兩子為一生中最大成就的司馬燕倍感自豪！抗癌期間，她承認已將內地的物業變賣，希望將現金留予兒子：「錢係帶唔走，但我相信有咩事老公識安排。」雖然大仔只17歲，司馬燕亦指他未曾拍拖，但自從患病後，她自言恨抱孫。另外，篤信風水相學的她，29歲時曾因相士批她過不了大劫而寢食難安，其母遂搬往與她同住及照顧。她又熱衷紫微斗數，不時找相士指點迷津。