葉翠翠和林欣彤等昨日齊齊晒狗出席無綫活動,翠翠笑言男友仍未得愛犬歡心,更被吠到出門口為止,真是英雄難過狗狗關!

翠翠的三隻狗狗似乎還未接納其男友,一見對方即吠。

Mag的愛犬二佬撲上身,非常熱情。

胡諾言抱着愛犬,玩得開心。

黃智賢被狗狗錫面珠,但他似乎唔多受落。

葉翠翠、黃智賢和林欣彤(Mag)等昨日到荃灣出席無綫節目《絕世好狗》公開招募活動。最近承認蜜運的翠翠攜同三隻愛犬到場,更笑說愛犬仍未接受建築公司副董事男友周曉東:「我啲狗一見陌生人入屋就係咁吠。」其中白色的Pocky更是男友登堂入室的最大難關:「因為佢養得最耐、最忠心,如果佢唔接受,一嚟到就會吠你,吠到走為止。」她又指男友不介意為狗狗執便便:「所以後嚟先至同佢拍拖!(佢睇在你分上!)都已經足夠喇!」

黃智賢則帶同細細隻的愛犬Pepper到場,問到Man爆的他何以養細狗?他坦言太太怕大狗:「我都想養大狗,但佢好驚大狗撲埋嚟!」

林欣彤夜帶狗散步

至於Mag則拖住五個月大的「二佬」到場,愛犬在訪問時更撲上記者身,認真活躍。她透露就算工作多忙都會抽時間帶狗散步:「早啲起身囉,夜晚就幾夜都同佢落去!(約埋成班朋友去?)自己咋!」又透露將與師姐祖兒出席無綫《勁歌金曲頒獎典禮》。