羅嘉良（撈家）由內地返港出席前晚頒獎禮擔任表演及頒獎嘉賓，賀曾不和的恩師盧國沾得「金針獎」。頒獎禮後，撈家被邀與恩師盧國沾齊受訪，但盧太以「老師疲倦」為由未有出現，撈家全程以盧生稱呼恩師：「有成廿年未見過盧生，因為搵唔到聯絡電話，今次係好難得嘅事，盧生攞『金針獎』係應該嘅事，佢寫咗好多好歌，才華洋溢。」

羅嘉良讚恩師盧國沾獲頒「金針獎」，實至名歸。

談及當年與恩師因合約事宜鬧上法庭，他說：「已經唔記得，過咗去，做人要向前看，最緊要活得開心。」他又謂要視乎盧國沾身體狀況才決定可會相約飲茶，但再見不感尷尬，又謂感謝對方：「佢喺84年發掘我，冇佢都冇我，唔係佢都冇今日嘅我，今日係向佢致敬。」