歌手吳若希(Jinny)前晚在頒獎禮上憑《越難越愛》奪「金曲獎」時哭成淚人,她在後台受訪時依然「喊唔停」:「諗住唔會有我份,點知首歌得獎,個腦海即刻一片空白,緊張到唔知講咩好,好似發夢咁,始終第一次喺呢個頒獎禮台上拎金曲獎。」

吳若希憑《越難越愛》奪「金曲獎」,受訪時又喊過。

有傳有機會憑《越難越愛》奪無綫的「勁歌金曲金獎」,Jinny說:「唔知!唔敢想像!(到時要預備紙巾?)唔敢諗,愈大希望愈大失望!」她又指2014年有開心經歷,亦受輿論壓力令她辛苦到想退出娛樂圈,幸得爸爸的鼓勵才再振作,翌日睡醒就跟父親說定可捱過難關,又稱拎獎時,正是憶起這個感人畫面。除了《越難越愛》是大熱歌外,有指謝安琪的《獨家村》及許廷鏗的《護航》亦有機會問鼎「勁歌金曲金獎」。