亞視舊將歐錦棠昨日出席跑步活動時，對於亞視陷入財困兼多番拖糧，以及主要投資者王征捲入桃色風波等甚為慨嘆，他不諱言亞視「唔掂」兼被王征搞到烏煙瘴氣：「亞視唔會倒閉嘅！（講過希望亞視新聞停播？）停播都唔執咪堅囉！我真係希望係咁，你覺得委屈咪唔好做，但依家啲員工返工好慘，抱有一絲希望覺得唔會執，佢哋認為依家冇人工出，但清盤都有錢收番。我就覺得好唔啱，人工都唔畀人。（覺得王征差？）佢直頭啦！（搞到亞視烏煙瘴氣？）佢有份啦一定！（替舊東家難過？）難過o架，啲人成日覺得我鬧，我唔係鬧，你話我諷刺乜都好，我覺得難堪o架。」

歐錦棠戥仍留守亞視的舊戰友慘，相當有心。