亞視雖陷財困,但得同業聯手打救,實屬人間有情,其中亞視跟now合作由梁思浩主持的節目《娛樂審死官》,將於本周四到亞視位於大埔的廠房拍攝,而無綫以百萬購入粵語長片播放權和在有需要時提供新聞片等,亞視執董葉家寶昨日出席活動時說:「同無綫有合作,過往有粵語長片好耐冇播,無綫買咗播放權。(以七位數買?)數字可觀,但係商業秘密。(同李寶安接觸?)有唔同渠道同人聯絡,多謝各個媒體對亞視關心!(《審死官》租亞視廠?)有傾過租場,佢哋想喺亞視錄影廠做一集,講有關亞視人情味,喺亞視做特別有意思,現時仍然處於初步階段!(王征捲入桃色風波?)亞視唔作任何評論,平時同王生接觸,覺得佢係正人君子。」

梁思浩主持的節目本周四到亞視的廠房拍攝。