千瘡百孔的亞視繼「冇糧出」後，昨日再驚爆「斷水」、「斷糧」及衞生問題。亞視總台多部水機近日離奇消失，即使仍有水機的地方卻冇水供應，員工慘遭「斷水」。亞視更曾宣布員工餐廳要減少飯餸種類及縮短營業時間，令員工「斷糧」。

穿低胸運動背心的張家瑩跳彈床減壓。

蔡國威希望亞視盡快渡過難關。

周嘉莉表示會緊守崗位。

至今仍未發放去年12月薪酬的亞洲電視，最近進入史無前例的嚴峻局面，仍留守的員工面臨「斷水」、「斷糧」及清潔問題，可謂屋漏更兼連夜雨。未知是為減省開支或未有水送到，近日亞視總台二樓的飲水機突然消失，雖然一樓仍有保留水機，但亦只有空空如也的水樽，員工被迫於開工時「滴水不沾」。

外判清潔停服務

除「斷水」外，亞視員工餐廳亦出現運作問題，令同事飽受雙重「冇飯開」打擊。亞視總台位處大埔工業邨，員工出入需乘車，故開飯多在員工餐廳。不過，亞視行政部本月8日通知員工，因餐廳面臨嚴重人手流失，要縮短營業時間，並停止供應所有客飯及粉麵。有員工表示，除可「食唔食由我揀」外，僅餘的選擇只有雜扒飯和餐肉腸仔蛋飯兩款。餐廳營業時間是早八晚六，員工要「過六不食」。據悉此舉惹來員工反對，故亞視即於翌日再發通知，承諾餐廳會於本月12日恢復正常。不過至明日光復餐廳前，亞視員工仍要繼續「斷水斷糧」。此外，亞視的清潔問題亦備受關注，原本主理亞視總台清潔工作的外判公司，疑因亞視財困，近日已停止服務。現時僅剩下兩名清潔女工負責清潔整座亞視總台，辦公室及洗手間的清潔均受影響。

亞視發言人黃守東昨日坦承員工餐廳出現人手問題：「有廚師走所以有人手問題，之前廚房都有要求減飯餸同縮減營業時間。」提到清潔問題，他說：「因為一月有好多同事放假，所以調整番清潔工嘅數量，一定會維持適當同足夠數量。」至於食水方面，他表示近日並無搬走水機，卻坦言正在休假故不清楚。

面對亞視種種問題，前亞姐張家瑩雖然家境富裕未受影響，但難免心情低落，日前她穿低胸運動背心玩跳彈床減壓，並發洩怨氣，她說：「近排為公司嘅問題幾擔心，希望透過做運動搵番正能量。」對於「斷水斷糧」，她說：「惟有下次返公司自備飲品同乾糧，但好彩廁所仲有廁紙。」問到會否幫手出糧？她說：「我事業先剛起步，而且自己份糧都未出，有一日我有能力一定義不容辭幫忙。」

周嘉莉緊守崗位

同為前亞姐的周嘉莉則說：「希望公司盡快解決啦！大家過個開心新年，自己會緊守崗位。」至於「六合彩王子」蔡國威亦表示有聽聞「斷水斷糧」，但仍樂觀地說：「公司知道大家反映，都有改善，有番多啲飯款吖！希望問題唔好再惡化啦！」

第一手消息請下載on.cc東網iPhone/iPad/Android/Windows Phone Apps