已是兩子之母的名模歐陽妙芝近年身材愈來愈弗，她曾有一段時間肥了不少，全靠運動才瘦下來，回復昔日模特兒弗爆身形。妙芝會做不同運動，包括瑜伽、跳舞、行山及健身，她說：「我勤力嘅話，一星期會做晒咁多種運動，如果太忙，最方便就係去會所做健身，如果有時間就會一家大細去大潭行山，既可以強身健體，又可以當係親子活動，至於瑜伽，我就同班好姊妹一齊玩一齊學，好開心。」

妙芝（左）與黃佩霞（右）等好友齊練瑜伽，十分開心。

妙芝常常帶兒子玉亨（左）及玉丞行山，既健康又可當作親子活動。

妙芝（左二）最愛做不同運動，其中包括健身。

兩子之母的妙芝身材弗爆，全靠做瑜伽。

飯後跑步減磅

妙芝表示運動比起節食更能長期控制體重，因為長時間戒口未必能持之以恒，她說：「如果係為咗工作，之前幾日戒口都仲可以，但唔可能長期咁做。我會選擇做運動，我食完飯可能會重兩、三磅，休息一陣，再落街跑45分鐘，嗰兩、三磅就會冇咗，而且做運動會令人更加精神，我冇做運動嗰排，個人好謝，做咗運動成個人精神晒。」