吳君如、黃秋生與古天樂等昨日在淺水灣出席電影《十二金鴨》記者會，Man爆的君如Chok住出場，又大講有味笑話：「今次我有38吋長，係地上最長！」而劉浩龍、蔡瀚億與姜皓文亦分別以3款「金鴨」造型在台上勁歌熱舞，全場High爆！

君如以麻甩造型登場，其餘「鴨仔」亦以獨特造型搶鏡。

君如受訪時指拍攝過程非常開心：「大家都好開心，好似開Party咁！客串嗰幾個直頭開心到唔知拍緊戲！（所有人都騷肌演出？）最好啦！唔係刻意，周柏豪唯一要裸上身。」在旁的秋生哥更笑稱手指有肌，自喻為「唐老鴨」。

君如其後分享到泰國訪問男妓的感受，在旁的古仔不禁插嘴：「你點止做訪問吖，直頭身體力行啦！」記者見他手瓜起展，問到已操肌多久？他笑說：「本人就係咁大隻！」此外，問到女友容祖兒的母親情況如何？劉浩龍說：「有心喇！總之大家身體健康、恭喜發財！」