身材逼爆的「寸嘴Barbie」夏尉喻，前年被指搭上唱片公司太子爺張子丰，但原來她最近換了畫，日前被《東網》ontv追蹤部隊發現與一名年約30歲、戴Cap帽的高大型男十指緊扣現身中環行街，Barbie雖然穿上毛毛褸冚到實，卻以花花短裙褲晒腿Look上陣，二人邊行邊「蜜蜜」傾，認真Sweet！

夏尉喻與新歡邊行邊傾，相當Sweet！

夏尉喻與高大型男十指緊扣現身中環。

記者致電Barbie，她承認與對方了解中：「係我了解中嘅男性好友，呢段時間要拍戲，又要做商演活動，好少時間喺香港，所以爭取時間陪我行街。」問到男方是否富二代？她說：「應該唔係，佢有自己生意，外國返嚟。」