澳門歌手龍世傑（Rico）可能尚未為港人熟悉，不過他卻非常熟悉香港，更憑此逃過被倫永亮（Anthony）「賣豬仔」一劫。身為「巨蟹男」的他貫徹顧家性格，絕對不多多藉口拒婚。

倫永亮（右）大讚龍世傑是可造之材。

龍世傑表示等緊Timing與女友結婚。

愈來愈多澳門過江龍殺入香港發展，在澳門出道好一陣子的龍世傑也闖入香港樂壇，第一首主打歌《存在感》找來倫永亮作曲，親自填詞告訴大家自己的「存在」。Anthony對這位首次合作的「新人」讚不絕口：「佢私下好斯文，但一上台就好放。幾首歌都係佢填詞，真係填得好好。」

f 出外靠朋友

Rico每次來港都投靠朋友，他說：「喺朋友地方過夜，希望有朝一日好多嘢做嘅時候，就會喺香港租地方住。」他又說：「澳門好細，交通距離半個鐘邊度都去到，但嚟香港仲要搭船，至少每程兩個鐘。」經常來港的Rico熟悉香港交通，Anthony大爆笑料：「有次喺九龍灣開完會我問使唔使送佢去邊，佢話唔使啦好熟喇！我話我送你一程吖，點知仲衰，唔知車咗佢去邊，佢好驚，又要趕船，就話你呢度放低我啦！」

此外，Rico亦不介意公開有個拍拖幾年的澳門女友，並指已準備好結婚：「我巨蟹座，都會想成家。事業有唔有成係無止境，唔會拎呢個做藉口，係等緊Timing，要雙方心智或者階段都覺得適合。」