英皇小花岑紫生（Kimberly）外形甜美、身材Fit爆，結實的線條明顯是努力運動的成果，Kimberly平日會與公司的藝人齊齊跑步，亦有練瑜伽，更希望明年考取教練牌。

勤力練的Kimberly操出Fit爆身材。

Kimberly（圖）除約Sherman跑步外，亦學做瑜伽。

Sherman

Kimberly樣靚身材正，大有前途。

Kimberly（左） 與導師Iris一齊練習。

英皇新人、中韓混血兒岑紫生擁有甜美靚樣、索爆身材，更被譽為「嫩版薛凱琪」。身形Fit爆的她平日Keep Fit有道，愛與同公司的藝人齊齊跑步消脂，更會做瑜伽收緊線條。近日苦練瑜伽的Kimberly，希望明年可考獲教練牌：「其實學咗幾個月咋！想考牌，不過暫時冇諗住做瑜伽導師，做導師除咗要動作做得靚仲要有一個教導人嘅心，等我做耐啲學生，再睇吓有冇Potential做導師。」短短數月便已掌握基本功，難怪導師Iris亦大讚Kimberly有天分。

與朋友上Private Class

身為藝人的Kimberly指目前主要以小班形式上課：「其實多人學熱鬧啲，但係容易分心，所以我通常都係同幾個Friend去上Private Class，去朋友開嘅Studio度，可能一個禮拜兩次咁樣囉！」

除了做瑜伽外，Kimberly亦與同公司的藝人相約跑步：「我都有同公司嘅Steven（張致恒）、Sherman（鍾舒漫）一齊跑步。通常唔會一兩個出嚟，都係喺九龍區，會沿住奧海城出面個海濱跑。」雖然身無贅肉，不過她仍認為自己不算瘦，要繼續勤加鍛煉，務求令線條更結實。