性格開朗、笑容煞食的「大隻仔」溫家偉（Alan），為拍劇Keep Fit大嗌辛苦，但他熱愛演戲的心足以蓋過辛苦！經常做飲食節目的他覺得最難是不懂形容感覺：「好多時個腦都Blank（空白），但我都好鍾意！可以去唔同地方食嘢，同朋友傾偈，係好開心嘅事！」做節目不停食，Alan說：「要做運動，依家都瘦咗，拍《衝線》做踩單車嘅角色，形象需要瘦！減肥都辛苦，真係食得好清，個人冇乜精神！」問到想挑戰甚麼角色，他笑言想做壞人：「當然我本身唔壞，哈哈！」並透露被監製取笑：「佢笑我做唔到壞人呀！我本身成日睇戲，每日起碼睇一套，研究壞人角色，覺得可以發揮！（唱歌呢？）唱歌一定唔得，唔好搞我，哈哈！」

溫家偉為了拍劇積極減肥，令他大嗌辛苦。