樂隊Supper Moment過去兩年雖曾到內地巡演，但坦言不會刻意創作國語歌：「大家普遍會諗，去內地巡演要寫啲國語歌，唔知點解有呢個不明文規定，其實好多人都係因為我哋嘅語言同Live，而接觸我哋嘅音樂同變成Fans。」他們更堅拒效法其他歌手靠參加內地歌唱比賽「彈起」：「有比賽叩過門叫我哋參加，但自覺唔係比賽材料，唔係啱同錯嘅問題，只係唔適合自己。」然而，四子笑言會努力學普通話，增加與樂迷的互動：「我哋會盡量學同講，觀眾都要，因為溝通係雙向，要溝通就要學對方嘅語言，佢想聽得明我哋嘅歌，亦要學廣東話。」

Supper Moment堅拒參加歌唱比賽，認真有性格！