張智霖（Chilam）及蔡卓妍（阿Sa）前晚出席倒數活動，Chilam剪新髮型迎新年被粉絲圍攻要避走，與阿Sa新戲打對台的他信心十足，在新片爆粗兼有火辣　床戲的阿Sa自爆無法抽離角色疑患抑鬱症！

張智霖畀面地指會買飛捧阿Sa場。

阿Sa自爆拍新戲疑似患上抑鬱症。

在內地現身跨年晚會的陳偉霆，未能與阿Sa倒數過除夕。

張智霖、蔡卓妍、鍾舒漫及洪卓立等前晚到中環出席「csl螢接2015除夕倒數嘉年華」，為以新Look迎接新一年，Chilam晚上十時到中環髮型屋剪髮，在大街等髮型師時突然被十多名路人和Fans包圍集郵，雖然Chilam有求必應，但助手見狀即急Call髮型師趕來開門讓他暫避。

望甩頭痛藥

Chilam希望今年毋須再食頭痛藥：「醫生話冇咩事，都市人問題，要搵個好啲減壓方法，我諗我需要Holiday！」其後他趕去倒數活動，談到阿Sa新片《雛妓》可能與他主演的新戲同期上映，他信心十足地說：「我哋都好『行』，睇Poster就知！其實賀年戲最緊要係個名，《衝上雲霄》呢個名改得好！」他對阿Sa及任達華這個組合超有興趣，並坦言：「好有入場欲o架！」

Sa霆冇得團圓

他表示會買飛捧場，問看三級片是否要太太袁詠儀陪伴？他說：「當然要！三級係要有家長陪同。」並指為拍戲放下底線，甚至露「小智霖」都冇問題！

而阿Sa男友陳偉霆前晚在內地出席跨年晚會，其後便趕回劇組拍劇，與阿Sa分隔兩地。阿Sa透露未知男友有否欣賞其惹火床戲預告，對於在預告片中爆粗而成為焦點，她說：「唔使點衝破關口，好多人都會講，演員有一個好劇本就會照演！」

她直認因拍攝令她疑似患上抑鬱症：「拍緊嗰時係咁都正常，但之後維持咗好一段時間，連經理人都問我使唔使去睇精神科，好彩朋友又約我食飯去玩，嗰時謝霆鋒仲叫咗我去西班牙，適應番個現實世界囉。」