岑麗香、張振朗、羅孝勇與何佩珉，前晚到屯門V city出席跨年派對，身穿紅裙的香香自稱是「鍾意食嘢嘅嘢」，以半鹹淡廣東話大賣可愛，同場的張振朗不禁激讚，明言新一年渴望與香香合作！

香香身穿露肩紅裙晒肩又晒腿，實行全方位放電！

張振朗（左起）、何佩珉、岑麗香與羅孝勇到屯門V city出席派對，迎接新一年來臨。

張振朗苦練唱功，落台與觀眾互動時大受歡迎。

岑麗香、張振朗、羅孝勇與何佩珉前晚到屯門出席《V city跨年派對》，香香身穿紅裙晒美腿，大受Fans歡迎的她晒半鹹淡廣東話：「最近拍緊《明星愛廚房》，我係鍾意食嘢嘅嘢（人），我又講錯啦！2015年要學好啲中文！（新年搵個男友教你廣東話？）隨緣啦！反而要勤做運動，做飲食節目係好有福氣，但都要做好多運動平衡番。」

憑模仿張智霖而人氣急升的張振朗激讚香香：「香香真係好靚，好似公主，希望新一年可以同佢合作。新年願望想觀眾認識我多啲，我去咗學唱歌、跳舞，等緊Show畀觀眾睇。（對愛情有咩期望？）隨緣，事業先啱啱開始，努力工作先！」

羅孝勇「翻撻」舊愛唔備案

同場的「巨聲」成員羅孝勇說：「我籌備咗5年，今年終於可以出碟，好開心！稍後仲會拍微電影，暫時未知對手。（介意同緋聞舊愛林欣彤合作？）唔介意，我哋係朋友。（如果合作要同現任女友備案？）唔使，巨聲好多時都唱K，仲Group Chat添！」問到女友可有撐場，他即大賣關子。

至於參加無綫節目《功夫新星》出身的何佩珉說：「2015年想拍武打片，又想減走包包面，有高層話我要減肥。（打Botox瘦面？）唔會，想用自然方法減。」