為慶祝出道40周年，樂壇校長譚詠麟昨晚在九展筵開38席與好友聯歡，包括曾志偉、彭健新、成龍、王馨平與陳慧嫻等，當中拉姑與鬍鬚Kong十指緊扣到場，校長的兒子則沒有出現。問到送了甚麼賀禮？志偉笑說：「係咪應該佢送畀我哋？佢收演唱會錢都唔少，12場爆晒！」問到校長已出道40年，有何感想？他抵死地說：「應該退休喇！阻住晒！（彭健新叫佢唱多40年！）獻世咩？」其後補飛大讚校長受歡迎。

譚詠麟與好友聯歡，賀出道40周年。

志偉搞笑勸校長退休，其後急急補鑊。

彭健新

吳雨霏

至於主角阿倫則表示很開心，提到志偉勸他退休，他笑說：「係咪叫我咪害朋友？我欠咗好多飛債，連累朋友同自己。（想退休定唱多40年？）心裏有數。」而王馨平身穿透視裝到場，提到黃秋生狂插樂壇新人「十個只有一個合格」，她說：「無論新、舊歌手唱歌都要五音準。」她又指在現時的新人中，較喜歡林奕匡。