性感「咪神」陳靜（DaDa）早前率領一眾師妹拍攝2015年曆照，在嚴寒天氣下齊齊封胸上陣，原來DaDa希望一眾師妹在來年能有新開始，與她一樣轉型成為演員：「其實有幾位師妹已經慢慢轉型拍電影，當然希望大家有多方面發展，而下年我已經接到幾部電影邀請，角色方面都會有新突破，我相信下年會帶多啲新鮮感畀大家。」她又透露新的一年會繼續專注工作，未有結婚的打算。

DaDa收起性感拍攝2015年曆照，寓意來年有個新開始。

鍾采羲（圖）大晒白滑玉背，明顯比Celia K.更吸睛。

Celia K.

而剛拍完內地紅爆網劇《廢柴兄弟》的模特兒郭穎兒（Celia K.），對於最近不少同事和朋友都覺得她和韓國女星劉仁娜似樣，她說：「唔太覺得同佢似樣，但有留意佢嘅演出，有睇過佢主演嘅電視劇，希望將來可以同佢一樣參演電視劇。最近《廢柴兄弟》喺內地播完後多咗唔少內地粉絲，佢哋想喺下一輯再見到我，見到呢啲留言後充滿能量，所以下年我一定會更努力！」