「寸嘴Barbie」夏尉喻與許雅婷（Kabby）等，在《美人魚》海選時極盡拚搏成功入圍，但隨着女主角最終落實由內地女生林允出任，即代表「香港代表們」的戲份最終只屬一般。夏尉喻昨日接受電話訪問卻強調不介意：「今次係大挑戰，等同當上女主角嘅喜悅。（覺得星爺點？）大家相處得好開心，佢好畀心機教新人。」而Kabby則說：「我已經完成晒自己嘅戲份，係2014年最好嘅回憶。戲份多少唔介意，因為當初根本冇諗過會行到呢一步。（覺得星爺點？）佢認真得嚟好Nice，好有前輩風範。或者因為我睇佢嘅戲大，覺得佢真人同拍戲好唔同囉！」

另外，松岡李那透過經理人回應，指身為日本人有得參演已經很開心，不會感到失望。