日模清穗久美子（Kumiko）皮膚又白又滑，但原來三年前曾有很嚴重的皮膚問題，她說：「當年我嘅皮膚突然變得好敏感，出到成面都係粉刺同粒粒！我睇完皮膚科醫生又睇中醫，但都係冇用，當時真係好困擾，所有模特兒工作都接唔到。」Kumiko認為問題出於化妝品及護膚品太多化學成分，自此對護膚品的選擇相當謹慎：「我會揀不含防腐劑同冇化學成分，純天然嘅護膚品，加上我從飲食着手，戒食冇益嘅垃圾食物，慢慢皮膚開始轉好。唔需要工作嘅時候就唔化妝，每次卸妝都要徹底清潔，出街一定要搽防曬，呢幾點係最基本。」原來Kumiko在日本曾修讀專業化妝學校兩年，所以對化妝甚有心得，她稱日本女生崇尚自然妝容，花20分鐘化妝已令人充滿自信。

久美子精選不含化學品的化妝品，令皮膚問題大有改善。

久美子指徹底卸妝有助皮膚保持清潔，每次都不能Hea。

久美子認為簡單妝容可讓皮膚「抖吓」，故不用開工時只輕妝上陣。

清穗久美子