名模陳嘉容早前在日本旅遊返港後，在香港機場遭三名彪形大漢點錯相指她欠錢，更出言恐嚇一度不讓她離開，嚇至花容失色的她，最終成功逃脫。

Eunis早前在機場遭彪形大漢點錯相追債，更要求她除黑超。

Eunis（右）接受楊思琦訪問，一同分享愛情觀。

陳嘉容（Eunis）做夢也沒想過會被點錯相，從未向人借錢的她竟被指欠錢！她憶述事件時仍猶有餘悸：「早前我去東京旅行返港，喺香港機場過咗關行出閘口時，突然有三個彪形大漢走埋嚟圍住我，用好兇狠語氣同我講『喂！你爭人錢好還喇喎！』」

恐嚇要除黑超

當時Eunis嚇了一跳，心想他們一定是認錯人，惟有越過包圍繼續向前行：「點知佢哋衝上前再叫住我話『你唔好走呀，好還錢喇，咪以為你係女仔我哋就唔敢郁手！』聽佢哋講完我更加驚，覺得喺度恐嚇。」其後Eunis指他們認錯人，但對方叫她除了帽及黑超，當時Eunis沒有理會，更加快腳步繼續行，假扮鎮定的她其實驚到震。

剖白離婚因由

Eunis走向機鐵站方向期間，三名大漢一路尾隨，並不停要求她脫下帽和太陽眼鏡：「我好驚，忍唔住話要報警，點知佢哋話『你咪報囉！』呢個時候剛有機鐵嚟，我即刻跑上車拎起電話，如果佢哋追上車就報警，好彩冇追嚟，我覺得佢哋都知係認錯人。」

另外，她日前亮相電視節目與主持楊思琦分享愛情觀，Eunis剖白與前夫郭子輝離婚是因溝通不足，當發覺時已經太遲。