前港姐張名雅雖忙於拍劇《鬼同你OT》，但仍抽空與圈中同事及圈外朋友開P慶祝聖誕，玩得十分盡興！忙於應酬朋友之餘，孝順女名雅亦跟親戚聚會及與父母飲茶，父親更應節地戴上聖誕頭飾！提到與陳庭欣、朱晨麗、莊思明、蔡思貝及翟威廉等好友開P，名雅表示玩交換禮物時笑料百出：「最搞笑係溫家偉送成隻燒鵝出嚟，油淋淋咁，結果朱晨麗不幸抽中！我送護手霜，估唔到男同事好鍾意，個個搶住要，我就抽到庭欣送嘅蜜糖禮物。今次大家又為12月生日嘅朋友慶生，我係其中一分子，有份切蛋糕，好開心，呢幾日收禮物收到手軟！」另外，名雅又相約參選中華小姐時認識的蔡潔及曲斯雲相聚，並為由新加坡來港的曲斯雲做導遊。

楊潮凱（左起）、張名雅、朱晨麗和溫家偉慶祝聖誕兼生日。

名雅陪父母飲茶，幾孝順！

名雅（右）帶來自新加坡的好友曲斯雲周圍玩。