無綫藝員林夏薇前晚Boxing Day在電視城拍劇《逆戰塘西》時不慎跌傷，傷及盆骨及膝頭，其膝蓋位置昨晨仍見腫起一大片及感疼痛，她即前往求醫及照X光，幸好沒有傷及筋骨。她昨日表示醫生建議要休息，但她仍返公司拍攝一場跳舞戲：「我仲行到路，而呢場跳舞戲我唔係主要跳舞嗰個，希望唔好影響到。（休息一下？）個景係最後一日，我唔想影響到人，所以死頂，醫生開咗啲止痛藥同藥膏畀我。」目睹經過的楊怡昨日憂心地說：「驚佢撞到內傷，女仔盆骨受傷好麻煩，希望佢冇事！（驚影響拍攝進度？）佢咁硬淨，唔怕嘅！就算係休息都應該。」監製方駿釗則表示有致電慰問夏薇，若有動作戲會盡量安排替身。另外，曾跟夏薇合作的樂瞳出席活動時大感擔心，祝對方早日康復，並自嘲下盤夠穩，故一直都平安大吉。

戴上口罩的夏薇負傷開工。

夏薇膝頭撞至紅腫。

幸而照X光後證實並無傷及筋骨。