身材Big爆的「寸嘴Barbie」夏尉喻，去年被指與唱片公司太子爺張子丰拍拖，即使經常被拍得甜蜜行街，惟一直未有承認。

騷長腿的Barbie與型男十指緊扣行街。

最近忙於拍攝周星馳新戲《美人魚》的Barbie，雖然工作排得密密麻麻，但原來最近又換了畫！昨午5時許，穿上毛毛褸密冚巨咪的她，下身以花花短裙褲騷白滑長腿，只見她與一名年約30歲、戴Cap帽的高大型男十指緊扣現身中環行街，沿途密密傾，認真Sweet！未幾兩人進入附近一間店舖睇電話，而Barbie一直陪伴男友左右，但逗留一會揀不到心頭好，Barbie便繼續拖住男友甜蜜遊街。

昨日記者致電Barbie，她承認與新歡了解中：「係我了解中嘅男性好友，呢段時間我要拍戲，又要做商演活動，好少時間喺香港，佢陪我行街揀吓禮物。（你哋拖晒手喎？）冬天手凍，佢畀啲暖我啫！（對方狂追？）都出過吓招，有少少感動，但仲要繼續觀察。」問到對方是否富二代？她說：「應該唔係，佢有自己生意，外國返嚟。」