楊怡與羅仲謙的戀情獲肯定，連好友馬國明及袁偉豪也拿二人開玩笑！三人昨日宣傳劇集《宦海奇官》，期間玩扑傻瓜時馬國明和袁偉豪把「大隻仔」、「羅Him Him」的名牌掛上身，沒料阿怡扑得更狠！對於男友阿謙片酬三級跳，阿怡表示不清楚，但以「未來老婆」口脗叮囑對方買樓。

楊怡「苦口婆心」勸羅仲謙買樓，呢個女友唔簡單！

羅仲謙

馬明（左）舉起錘仔追打山聰，嚇到山聰唔敢望！

楊怡（左起）毫不留情扑山聰和馬明，陳自瑤亦不禁失笑。

樂瞳（右起）、陳自瑤、楊怡和陳山聰玩到喪笑。

楊怡、馬國明（馬明）、袁偉豪及陳山聰等昨日宣傳劇集《宦海奇官》，期間玩扑傻瓜遊戲，貪玩的馬明與袁偉豪即興把楊怡與羅仲謙的戀情擺上枱，於身上掛上阿謙的暱稱「大隻仔」及「羅Him Him」，逗得阿怡笑不攏嘴，不過她沒有手下留情，反而見人就扑，惹笑非常！

最緊要佢賺得多！

談到阿謙片酬三級跳，阿怡表示不太清楚，只說：「屋企人都唔多講啦！最緊要係佢賺得多啫！不過我有叫佢買樓，保值嘛！大家都有傾投資心得，就好似玩大富翁咁。」問到阿謙此舉是否拉近二人結婚日子？阿怡甜絲絲地說：「冇聽過有咁嘅計劃，你聽佢講啦！買樓都係畀自己私人投資，我都唔識做生意，佢應該都唔識，係阿媽教我買樓，所以我咪教佢囉！」對於拍檔馬國明，阿怡透露二人雖已先後合作了三、四次，但未有感到悶，反而雙方一埋位便甚有默契，更指觀眾喜歡故事的話，相信收視也會很理想。

馬明放假遊世界

馬明表示不擔心劇集在長假期播放會影響收視：「隨遇而安啦！古仔唔錯應該會有口碑，喺呢個時間播冇得控制。（之後同屋企人去玩？）新年後可能會一齊去旅行，一來唔使逼，二來又平。」至於陳山聰認為收視未能控制，又自言一劇接一劇，忙得不可開交，繼早前完成劇集《張保仔》外景後，近日亦忙於拍攝《東坡家事》，稍後會投入新劇《刀下留人》拍攝，問到是否沒有休息時間？他說：「多得公司咁睇起我，都有一兩日休息，但要練馬拉松，下月25號要比賽，都夠時間練，只要分配好工作同練習時間就冇問題。」