前華姐朱璇日前與好姊妹李亞男「忙裏偷閒」搞鬼玩自拍，二人徹底拋開「女神」形象，不但整豬鼻「糟蹋」靚樣，又齊齊扁嘴及托腮Chok出「萌樣」！期間High爆「瞇眼伸脷」的亞男玩得興起時，與朱璇「嘟嘴錫錫」，未知即將成為人妻的亞男，此舉會否令祖藍「呷乾醋」呢？

單眼伸脷的亞男（左）Chok得誘人，朱璇則靜待對方獻上香吻。

Friend底的朱璇（左）與李亞男「嘟嘴錫錫」實屬小兒科。

至於朱璇則自爆將於無綫劇《張保仔》中飾演泰國海盜，並大膽挑戰連場打戲及高空戲份，力求一改柔弱形象：「我本身畏高，有次喺懸崖拍打戲都好驚，但冇辦法，想型啲同轉吓形象。（要吊威吔？）要呀！但好彩冇整親，多謝劇組錫住我。」