DJ阮小儀昨日以代言人身份出席冬日美食節的「意美廚」活動,送了不少廚具給現場觀眾,又力讚易潔鑊勝在夠輕盈,她其後傳授憑手掌揀男人的秘技。

小儀送出大量廚具給現場觀眾。

與廚師合作炮製美食的小儀大讚易潔鑊夠輕盈。

阮小儀昨日出席「意美廚」活動,與廚師即場炮製牛柳粒及火雞意粉,又讚易潔鑊夠輕盈,笑言可當球拍打網球。她又教現場觀眾用掌心肉柔軟度來分辨牛扒幾多成熟,更化身溝仔「掌」門人,教人憑手掌揀男人:「手肉脹卜卜,代表個男人唔好生養,手肉有彈性就代表鹹濕。」她表示今年聖誕未有親自下廚,當日帶父母食西餐。談到最近被拍到有不少猛男埋身,惹來拍拖疑雲,她說:「影到好多個猛男喎!唔知認邊個好,媽咪睇完報道流晒口水。可能我男仔頭性格,大家又知我單身,所以好多男性朋友照顧我。」

唔搞未成年少男

問到可有啱心水的異性?恨拍拖的她笑說:「我一日未結婚,個個都睇得上眼,但唔知人哋點諗啫!」她又預告會出席中學同學聚會,問到可有心儀目標?她笑說:「冇目標呀!因為我讀女校,好多同學都會攜眷出席,得一個單身,就係同學個仔,但我唔搞未成年少男,等佢大啲先算啦!」