佘詩曼、苗僑偉（三哥）及江美儀等昨晚出席慶功宴兼開聖誕Party，眾人均帶家人出席，三哥更有「女」相伴，唯獨阿佘形單影隻，抱病的她以素顏示人。對於緋聞男友鄭嘉穎傳有新歡，她即笑着擰頭拒答。

素顏的阿佘獨自出席聖誕派對，唔知冇伴嘅佢會唔會覺得寂寞呢？

阿佘及三哥率領台前幕後工作人員開香檳慶祝，噴到周圍都係香檳。

江美儀偕男友及愛犬出席Party，「一家三口」樂也融融。

黃長興帶埋囡囡出席慶功宴，吸引一眾演員上前逗玩。

黃長興

佘詩曼、苗僑偉、江美儀、陳敏之、高海寧及梁烈唯等，昨晚為慶祝劇集《使徒行者》在《萬千星輝頒獎典禮2014》中大豐收，大搞慶功宴及聖誕Party。

眾人響應三哥呼籲，帶家人或另一半出席，惟阿佘不但冇伴，更抱病在身，她說：「平安夜病咗，留喺屋企冇出街，都冇同Toby（梁靖琪）開Party。（今晚你請客？）冇預Budget，任玩！（傳視帝郭晉安用咗6位數請食飯？）請埋我啦！我都冇計（攞視后後）食咗幾餐。」提到傳與她翻撻的鄭嘉穎被指有上海女友，她笑說：「唔講，唔回應啦！」

三哥興奮開香檳

三哥偕三嫂（戚美珍）及省鏡女兒苗彤亮相，更帶了兩箱酒到場，但開香檳時卻不慎噴到雙眼，他說：「個劇攞埋『最佳劇集』，我梗滿意！今晚係阿佘請，佢拎咁多獎！我聽日要飛外地，唔玩得夜。（個劇令你多咗工作？）幫補吓啦！阿佘仲多，最多係佢！（會再拍劇？）TVB搵我先得o架！（提個女聖誕出去玩小心？）佢都咁大個，邊顧到咁多？」

江美儀自誇腳頭旺

身穿紅衣的江美儀與男友吳君祥一起現身，又為愛犬穿上聖誕裝，她說：「我入TVB後5個劇4個有獎，腳頭都幾旺！男友話如果我冧莊再攞女配角就送架車畀我，唔緊要啦！出年再做好啲！」吳君祥被問為甚麼不穿紅衣襯女友，他說：「我着咗紅底，使唔使拎出嚟？」