莫文蔚與德籍老公Johannes結束了三個月的甜蜜假期，終於收拾心情，昨日為新國語專輯舉行發布會，坐上紅色辣跑到場大騷長腿的她未有趁放假「造人」，並笑說：「點會做呢啲傻事！」

與老公Johannes外遊三個月的Karen，昨日獲送保管箱。

Johannes

Karen昨日舉行新碟發布會，坐上紅色跑車到場。

莫文蔚（Karen）貴人出門招風雨下，昨日舉行新碟《不散，不見》發布會，原定「陸空式」排場出動，但因天雨關係直升機環節取消，不過，美艷的Karen穿上金色裙坐上紅色跑車到場一騷索腿。

新碟招風雨

台上她又稱放三個月假期與老公環遊了半個地球，由南美洲秘魯玩到玻利維亞的鹽湖、阿根廷、復活島、大溪地及新西蘭等，難怪唱片公司高層要給Karen送上透明保管箱，要她將旅行證件交出保管，禁止她短期內再去旅行。

席間Karen透露剛旅行完返港，老公亦會留港順道歡度聖誕。對於取消直升機空降到場可感可惜？她說：「冇所謂啦！想大家開心，亦諗住配合新碟概念，其實做碟過程成日遇風雨，喺廣州錄音遇上暴雨，泰國拍MV亦落足咁多日。」

除低比堅尼

提到三個月假期，可有成功造人？Karen笑說：「冇，點會做埋呢啲傻事，我哋鍾意二人世界，鍾意去旅行，再有機會最想去南極睇企鵝。」而她旅行時將一張背對鏡頭大騷半裸身軀的照片放上微博？Karen坦言是老公操刀，更是老公提議她除去比堅尼：「老公好大方益大家。」