許志安及鄧麗欣（Stephy）等歌手前晚為音樂會演出，一眾女星表示能夠與安仔合唱都非常緊張，Stephy透露細細個經常唱安仔的歌，被追問婚期時，她坦言不想成為好姊妹中最後一個出嫁。

投入唱歌的Stephy，表情非常肉緊！

Stephy與前輩安仔合唱時手拖手深情對望，實好緊張啦！

Regen（左）與Crystal難得再次合體，梗係落足力又跳又唱！

Ava唱歌期間喜獲粉絲送花。

As One以勁歌熱舞驅走寒氣！

許志安、鄧麗欣、張惠雅（Regen）、張紋嘉（Crystal）及雨僑（Ava）等前晚出席音樂會，壓軸出場的安仔唱完自己的新歌後，再分別邀請其他女歌手唱出一連串的經典合唱歌，場面熱鬧。

Crystal暈晒浪

Stephy笑言中學時期非常喜歡唱安仔的《會過去的》，問到經常唱這首歌是否有原因？她說：「嗰時拍拖，好小事都會唔開心，有時就係陪朋友唱嘅。之後都想再出合唱情歌，唔一定係同小方（方力申）唱，同女仔合唱都得！」而提到好友吳雨霏早前表示已經準備好結婚，Stephy說不介意被爬頭，但笑說不想最後一個結婚：「我唔想到時搵唔到伴娘呀！」

同樣有與安仔合唱的Regen和Crystal坦言事前感到非常緊張，Regen笑言看到安仔與Stephy合唱時有拖手，有想過安仔亦會拖她的手，Crystal說：「我怕拖手我會忍唔住笑，所以好緊張，一唱完即刻落台，都唔記得安仔仲喺個台度。」她們又大讚安仔有型，而且一開聲就令人聽出耳油！

Ava三首唔夠喉

而只唱三首歌的Ava則表示「唔夠喉」，因為今年很少機會唱歌，所以明年會努力，又提到最近接了幾部戲，其中一部是內地戲，問到豈不是沒有時間放在音樂上？她說：「其實有啲歌已經錄好咗，到時個人喺香港做宣傳就得！」