容祖兒與鄭伊健兩位羅文愛徒前晚與多位歌手出席師傅70歲冥壽紀念演唱會，伊健率領草蜢、豹小子及陳小春大唱大跳向師傅致敬，最後與全場大合唱生日歌送給羅文，伊健直言可做對方徒弟感幸運。

伊健罕有地穿上窩釘外套演唱師傅羅文的金曲。

劉培基準備了巨型蛋糕，率領一眾歌手在台上唱生日歌。

甄妮與克勤在台上暢談對羅文的感想。

羅文

巨星羅文生前助手Terry為紀念舊老闆今年70歲冥壽，於會展舉行名為《不朽傳奇•舞台上的羅文紀念演唱會》，並請來羅記的愛徒、好友及後輩演出，包括：容祖兒、鄭伊健、草蜢、李克勤、張敬軒、鄭欣宜、陳小春、盧海鵬及生前為羅文伴舞的組合豹小子成員甘子暉等，由於祖兒趕飛機，演出後即離開。

新組合「Suddenly」

甚少以Rock造型示人的伊健以一身窩釘現身，並與草蜢、甘子暉及陳小春載歌載舞，成為全晚亮點，蔡一智說：「伊健話呢度可以組個叫Suddenly嘅組合。」對於能成為羅文徒弟，伊健說：「好幸運，佢玩同唱都好認真。」對於再傳太太蒙嘉慧有喜，伊健說：「又傳？如果係一定講，但依家唔係。」

而獻唱《波斯貓》的欣宜說：「Uncle Roman以前教我企喺台就係Queen，我只係為一個人性感，我咁有勇氣、咁大件仲扮波斯貓，係細個時Uncle Roman畀好大信心我。」她透露小時候經常在羅文面前表演：「佢永遠都尖叫、拍掌，好支持我，所以今晚鼓起勇氣、厚住面皮唱。」

劉培基難忘摯友

而劉培基在台上說：「今晚呢個Party勾起好多回憶，我同佢交情40年，真係共過患難，今晚我感覺到佢嚟咗呢個Party，相信佢呢一刻好開心咁笑，仔，羅記，We All Love You，Happy Birthday。」隨即推出巨型蛋糕，眾演出歌手齊在台上唱生日歌。