周家蔚昨日攜囝囝洪大仁（TJ）出席聖誕活動，再度懷孕五個月的她表示因不宜坐飛機，故聖誕會留港與家人及好姊妹開派對慶祝。她又透露丈夫洪天明現已不捨得離開TJ半步，經常要跟囝囝孖鋪。

周家蔚懷孕五個月，因不宜坐飛機而放棄聖誕外遊。

囝囝TJ送吻，令周家蔚甜在心頭。

問有否準備聖誕禮物？她表示已準備了小朋友的禮物，還指不要天明給她任何聖誕驚喜：「我只係想囝囝乖同健康，天明做嘢唔好太辛苦。（佢好辛苦？）冇辦法啦，要搵奶粉錢，搵到錢就再諗生唔生。（想追女？）我鍾意女呀！」其後又透露第二胎仍會選擇開刀分娩：「其實我都想順產，不過天明又撞啱要拍戲，同埋佢話睇依家囝囝頭形幾靚，如果順產嘅話，會有可能壓到個頭形冇咁靚。」