薛家燕不相信張智霖（Chilam）與佘詩曼之間的緋聞，還爆阿佘早已心有所屬。家燕姐又指自己與Chilam對手戲多，即使袁詠儀要呷醋，矛頭應指向她。

佘詩曼與鄭嘉穎日前出席活動時心情大靚，全程笑容滿面。

家燕姐昨日出席宣傳時爆料，指阿佘心有所屬。

家燕姐昨日以產品代言人身份出席工展會宣傳，吸引大批粉絲圍觀，場面熱鬧。最近忙於與Chilam及阿佘合作《十月初五的月光》電影版的她，開心地表示平安夜及聖誕意外獲得假期：「工作人員邀請我哋成家去澳門玩兩日，今年成年各有各忙，終於有機會聚吓享天倫樂。」至於冬至則相約好姊妹食飯：「一定要食湯圓，團團圓圓呀！」

力證阿刨冇跪地

談到最近阿佘與Chilam的緋聞再被炒作，有指袁詠儀打爛醋埕，家燕姐笑說：「要呷都呷我醋啦！我同Chilam對手戲多啲，我覺得冇可能囉！大家合作咗咁耐，好似一家人咁。阿佘心有所屬，阿邊個返咗嚟嘛！」此語一出全場嘩然，家燕姐雖未有開名，但不難推測所指極有可能是阿佘「舊愛」鄭嘉穎。

至於有傳龍劍笙（阿刨）早前演出後，在慶功宴上向白雪仙跪地道歉，家燕姐代為澄清：「當時我都在場，冇見到咁，又係新聞炒作！仙姐好錫徒弟嘅，謠言真係唔可信。」而明年她計劃將旗下的藝術學校推廣到內地，專注兒童教學發展，相信會有排忙。