剛與女友甩拖的狄易達今年將過中學畢業以來，首個單身聖誕節，但不愁寂寞的他已計劃在舞蹈學校開P選「妃」。至於蔚雨芯則慘情得多，要捱餓減磅過節，唔怕減到變「縮水魔鬼胸」，又透露現時工作至上，暫不想拍拖分心！

狄易達與蔚雨芯一個恨拍拖，一個工作至上。

狄易達（左起）、蔚雨芯、伍家怡及龍世傑預祝聖誕節！

未有女朋友的狄易達，有伍家怡翹手頂住先！

蔚雨芯減肥，不怕瘦人連帶瘦胸！

狄易達與蔚雨芯（Rainky）以師兄師姐身份與伍家怡（Cherry）及龍世傑（Rico）預祝聖誕節，剛與模女友分手的達仔預告今年要獨自過節：「好Sad，中學畢業到依家，第一年過Lonely Christmas，聖誕對我嚟講好大件事。（即刻搵女仔過平安夜？）唔可以亂搵女仔，我平安夜一向都過得好平安。」他表示將在舞蹈學校舉辦聖誕派對，邀請一大班女仔狂歡「跳」旺桃花運，不過他嚴禁與女同事搞「辦公室戀情」，以免影響工作。

「魔鬼胸」唔驚跌Cup

至於無懼寒風繼續晒「魔鬼胸」的Rainky表示早前上武當拍劇時，不斷狂食集「脂」，聖誕將要努力減肥，無緣擦大餐！問到可會擔心瘦身連帶瘦胸？她說：「唔驚，呢啲屋企遺傳，瘦咗再話你知呀！（肥咗幾多？）唔敢講呀！驚畀高層鬧呀！5至6磅啦！」她又透露現階段工作至上，暫不想拍拖分心。

至於師妹Cherry自爆將與圈外男友遠赴瑞士過一個白色聖誕，問到可會擔心「兩個去，三個返」？她說：「唔會嘅，大家成年人，公司冇唔畀拍拖，結婚都冇問題。」而澳門出身的Rico表示首次在香港過聖誕，幸好女友未有「詐型」：「佢喺澳門陪屋企人，我同同事去做嘢啫，我一個人會乖乖哋。」