因一套電視劇而再次一鳴驚人的韋綺姍（Rita）近排重出江湖密密接Job，不過她坦言家庭始終最重要，除了平日登台唱歌，更喜歡在家中與兩個囡囡Jam歌：「囡囡都好鍾意唱歌，我細細個就訓練佢哋，到佢哋大個女又會自己上網學結他，自彈自唱拍片擺上YouTube，其實見到囡囡拍片都好想試吓，感受吓下一代人點玩音樂，遲啲得閒就喺屋企試吓。」她又講到大女不但善於歌藝，更甚有藝術天分：「大女喺英國時讀服裝設計，我好希望第日登台嘅衫可以由囡囡操刀，希望佢學以致用！」

韋綺姍Job接Job，梗係要做定啲登台衫啦！