藝人黃欣五年前決意離開無綫發展，近日終於鳥倦知還，借愛回家計劃重返娘家，大讚無綫人情味濃！至於「老公」羅啟聰則繼續向外闖，密謀初試啼「Sing」，勇闖樂壇！

黃欣自嘲年紀比羅啟聰大，不適合玩姊弟戀。

黃欣與羅啟聰情侶檔做模特兒，拖手兼挨身挨勢的甫士Easy Job啦！

黃欣（Lena）與師弟羅啟聰（Kris）日前被服裝品牌睇中，為新系列的潮服拍攝硬照，初次以「情侶檔」做模特兒的他們表現得有板有眼。Kris大讚師姐有姿勢、有實際，他說：「我係咁向佢請教擺甫士，因為佢係跳開舞，識得擺肢體動作。」

而Lena表示自小已對服裝設計十分有興趣，最近正在學習油畫，希望將來可以開時裝店做老闆娘，她說：「但係依家啲租金好貴，或者試吓網上先，好多朋友都做緊。」

被爆成日發電

談及相識經過，他們表示曾是同一間公司，有一次微電影廣告試鏡，劇情講述他們是夫妻，問到當時可有「過電」？Kris笑說：「有呀！見到佢成日發電，佢對眼太勁啦！行過都畀佢電親！」而Lena則自嘲年紀比對方大，不適合玩姊弟戀。

無綫出身的Lena於2009年滿約後向外發展，近日決定吃回頭草，通過愛回家計劃重返無綫大家庭，她指回巢後機會處處，將獲安排拍劇及主持風水節目：「真係愛回家！無綫真係娘家嘅感覺，見番以前啲同事覺得好溫暖，最希望參加下年《星夢傳奇2》，我好鍾意唱歌，想再戰樂壇。」而修讀音樂系的Kris會專注音樂，準備到不同地方組樂隊表演，更希望有機會與師姐齊齊Jam歌！