爾冬陞及李光耀日前為新戲接受訪問，爾冬陞「豪氣」點評主演的劉青雲及黃曉明等於戲中的表現，又踢爆青雲為人「扭擰」，更「嫌棄」曉明過分靚仔！

青雲（中）被爾冬陞爆扭擰，曉明（右）則被嫌太靚仔，非常搞笑！

薛凱琪演出爾冬陞新戲，演技備受讚賞。

青雲飾演精神分裂症患者。

李光耀和爾冬陞為新戲宣傳，大爆拍攝趣事。

監製爾冬陞（小寶）及導演李光耀日前為明年四月上映的新戲《暴瘋語》接受訪問，期間小寶對主演的劉青雲「先彈後讚」，又爆他於片場的趣怪「花名」。談到青雲於戲中飾演問題多多的精神分裂症患者，小寶即搞笑踢爆他麻煩兼「扭擰」：「演員都係有啲精神分裂，對佢嚟講（演出）唔困難！不過佢好煩，同梁朝偉一樣，搵佢哋拍就話『唔好啦』，好扭擰！」其後又大爆青雲花名為「定海神針」：「即使我有時會去佢屋企飲酒飲天光，但奇怪嘅係佢喺片場同我唔Friend，仲會保持距離，牙骹都唔打。佢一入片場就好專注，有佢喺度就會穩定環境，引領幕前同幕後都專心起嚟。」提到另一主角黃曉明，小寶即「嫌棄」他太靚仔，又笑說最喜歡在戲中「虐打」型男：「如果佢冇咁靚仔，形象上會好戲啲！我對佢好滿意，演得冇包袱，又有男人味！但我最鍾意打靚仔，等佢咁多女仔鍾意吖嗱！」

大讚薛凱琪有進步

而李光耀則認為今次卡士是「百年難得一遇」：「我為呢套戲做咗三年以上資料搜集，好幸運有咁多專業又好人嘅演員參與！」談到戲中「萬綠叢中一點紅」的女演員薛凱琪，自爆與她是同學的他大讚其演技日益進步，又笑言不敢講對方壞話。