丁樂鍶早前簽新公司,自覺儼如畢業後正式工作,決心不再怕醜不再內斂,嘗試新挑戰,演活青春咖啡烘焙師:「做唔同嘅角色,你嘅人生好似多咗好多嘢!」

丁丁首次做微電影女主角,會熟讀劇本,演好角色。

想做喜劇的丁丁被周星馳的電影影響最深。

經常做主持的丁丁正式轉型做演員。

丁樂鍶(丁丁)簽約新公司後,準備迎接銀色旅途新一頁。丁丁對於在演藝生涯正式「啟航」感到非常開心,原因並不是以前沒演出機會,而是自覺時機已到,她說:「喺無綫初初出嚟嗰時,我好內斂,唔係好識講嘢,我覺得嗰時我未係一個最啱嘅Timing,依家經歷過更多,加上有以前嘅工作經驗,我當之前係讀書,訓練咗之後就正式工作。」

最愛做演員

再次「啟航」的丁丁對各種演藝工作充滿好奇,而最想涉足的正是做演員,她說:「做一個演員可以挑戰唔同角色,呢個機會唔係咁多人可以有,真係好似做咗好多好多次人,而命就得一條,但係做唔同角色,你嘅人生好似多咗好多嘢!」對於角色上的挑戰,丁丁笑言「不妨搞笑」,自認從小在周星馳的電影中學會幽默,問她可怕被定型變成諧趣演員?她笑說:「有時一大班人認真做,咁先好笑。」

熟讀劇本

自加入新公司後,她隨即接到新工作,除為眼鏡品牌赴日本拍攝廣告外,更有機會在微電影中做女主角,演活青春咖啡烘焙師。但微電影的內容非常神秘,連她都一知半解,不過她表示會全力以赴,做足準備:「當個劇本嚟到一定要背到好熟,要『化』晒佢!」