模特兒梁晶晶曾遠赴韓國整容,但自知樣貌仍未夠吸引,故暫不會再出寫真,但似有秘密武器在手的她卻揚言性感沒底線,希望「醜小鴨」終有一日變天鵝。

敢以醜女自居,梁晶晶這份勇氣,值得畀個Like。

整容未變靚,梁晶晶,加油!再來一次吧!

入行以來,樣貌一直被攻擊的梁晶晶(Bonnie)說:「連公司同事都話我樣衰!喺背後話我,覺得唔知點解要簽我返嚟。」公司希望Bonnie可由「醜小鴨」變「天鵝」,早前打本給她前往整容勝地韓國修整一番。

寫真戰叮出局

可惜最後她仍未能以「全新面貌」突圍,在寫真戰中更是慘敗離場。她說:「上次出寫真都唔賣得,都冇打算再出,不過可能有機會出一本書,係咩就唔講得住!往後我會向時裝界發展,始終Fashion重視品味同身材多於樣貌。」

無底線爭出線

一向行性感的她被問及底線時說:「我嘅底線就係冇底線,為咗工作同藝術全裸都冇問題,就算要醜化我都OK!最重要係可以發揮到。」談到很多模都北上發展,她說:「都有興趣打碟,之前試過去內地登台。雖然喺香港成日畀人抨擊,但希望內地有人賞識。」問到為何簽Bonnie時,經理人說:「公司一直知佢醜樣,但希望可以幫佢醜女大翻身!」