組合「霏雲闖蕩」成員周雅霏和小雲在主持的旅遊節目中帶大家周遊列國，雅霏表示她倆本着追夢心態隨心而行：「一直好想環遊世界，唔想咁細個就日日對住同一份工，於是以冒險嘅心去睇世界，第一站去咗南歐4個國家，由計劃到成事只係花咗一個月，我哋仲喺臨出發前一星期先買機票！」

大地任闖蕩，小雲（左）和小霏互相扶持，有難同當。

周雅霏和小雲異地闖蕩經歷了不少趣事，在墨西哥一站更遇上地震，小雲難忘當日境況：「我哋踏足當地第一晚就地震，全間酒店嘅人都走晒，得我哋冇起身冇離開過，第二朝導演問我哋尋晚好唔好瞓，我哋話麻麻，出面好嘈，佢先同我哋講係地震，於是問佢做咩唔叫醒我哋，死咗點算！」幸而最後仍順利完成旅程。