組合天堂鳥日前到電台受訪時大談旅行經歷，隊長Gordon被隊友取笑出Trip似出Show，對此他直認不諱：「我會帶3條褲、4對鞋、唔知幾多套衫，返嚟嗰轉唔夠位擺嘢咪放去人哋個篋！」Lincoln則自嘲愈大愈似老竇：「人大咗，會驚去到外地水土不服，所以會帶晒所有藥去旅行，因為去到當地又唔熟藥房，有咩事邊個救自己喎！」Tyrese則是最瀟灑的一個：「最重要係帶耳筒，一套衫褲就得！」

早前到南京工作的天堂鳥為WiFi被迫「合體」瞓同一張梳化。

到外地工作時，他們最愛變「糖黐豆」，Gordon說：「有次我哋去南京做嘢，去住嗰間屋係好大，有兩層又勁多房，不過最後我哋都係瞓喺同一張梳化度，因為得嗰度先有WiFi！」