今年正式以歌手身份出道的何雁詩「便秘」五年，終於推出首張個人大碟，她對樂壇新人獎虎視眈眈，望與「巨聲星夢幫」戰友齊齊橫掃頒獎禮！

苦等五年，何雁詩終於推出首張個人大碟。

何雁詩希望在頒獎禮上與昔日「巨聲幫」戰友齊齊奪獎。

歌手何雁詩（Stephanie）於2009年參加《超級巨聲》入行，早前終於推出處女大碟《Step》，花5年時間預備九首歌的Stephanie說：「第一次出碟等咗好幾年，第一首歌係由上年九月已經開始錄，到確定出碟日期嘅時候，個感覺就好似便秘咗好耐，終於都出到嚟咁，真係好爽！」對新碟毫無保留的她每首歌中均嘗試不同風格，當中自創歌曲《Bread》極具創意：「新碟個名同我一樣都叫『Step』，係希望可代表唔同嘅自己，而《Bread》呢首歌真係破天荒地純粹講我有幾鍾意食麵包！」

孖師弟唱情歌

早前與王祖藍合唱《食為奴》主題曲的Stephanie，今次孖實師弟張子丰（Fred）合唱《線上情歌》：「雖然大家唔係一齊錄歌，但對方錄嗰時有到錄音室聽，互相畀意見！」熱愛電影製作的Fred親自更操刀拍MV，談到Fred有否為她度身訂造劇情？她笑言Fred只為她預備了急口令挑戰：「其中一段係將個Beat加快，要好努力練加快版，因為怕咬字唔正。」

睇好鄭俊弘

臨近年尾，歌手均密鑼緊鼓籌備頒獎禮，作為今年新人的Stephanie會否對獎項有所期待？她說：「梗係想有嘅！點都會有啲貪心，但係平常心去面對。」並指睇好同公司的鄭俊弘奪新人獎：「今年新人嘅話我最睇好鄭俊弘，因為一個新人有自己嘅音樂會係一個好大嘅壯舉。」會否擔心巨聲幫老友爭獎傷感情？毫不擔心的她表示自入行開始已互相對比，不過只存在比較而非競爭。